Наставата по предметот управувачко сметководство е насочена да им овозможи на студнтите да ја разберат неговата интердисциплинарната содржина, а во тој контекст најнапред да ги сфатат сличностите и разликите на сметководствените дисциплини во рамките на сметководствениот систем за да можат полесно да ја користат неговата практична улога и комбинирањето податоци од различни области при изготвувањето на релевантни информации, неопходни во одделни подрачја на деловното одлучување. Тоа го овозможуваат тематските подрачја посветени на:управувачкото сметководство во рамките на сметководствениот систем; трошоците и нивните поделби во менаџерскиот процес; графиконот на рентабилноста за целите на менаџментот; сметководственото офаќање на трошоците; сметководственото планирање, сметководството на активности и др.

По завршувањето на наставата, студентите треба да бидат во состојба:

• Да ја согледаат улогата на управувачкото сметководство во рамките на сметководствениот систем и пошироко,
• Да ги определат основите за различно диференцирање на трошоците,
• Да ги пресметаат сите показатели од графиконот на рентабилноста,
• Да ги диференцираат методите на сметководственио опфаќање на трошоците,
• Да ги сфатат предностите на сметководственото планирање и неговата ефикасна примена во претпријатијатието,
• Да ја осознаат потребата од алокација на трошоците,
• Да ја сфатат постапката за опфаќање на трошоците по пооделните активности,
• Да го сфатат значењето на бројни термини кои се поврзани со управувачкото сметководство