Курсот по економски развој е заснован на апликација на стандардна економска анализа. Студиите се фокусирани на изучување на теориите, моделите, политиките и меѓународните искуства во развојот. Целта е оспособување за разбирање и анализа на процесите на растот и развојот и проблемите на динамизирање и одржливост на растот како и меѓународните аспекти на развојот. Претходни барања се завршени курсеви од макро и микроекономија, математика и квантитативна анализа. Подлабоки познавања од одделни дисциплини и субдисциплини како што се применета економија, инвестиции, јавни финансии, монетарна економија, меѓународна трговија, меѓународни финансии, и др. се комплементарни и корисни за совладување на содржината на курсот.

• концептуалната подлога, поврзаноста на одделните политики со економскиот раст и импликациите од нивната примена во светот (монетарна, фискална, трговска итн.)
• процесите на раст и развој во светот, растот и интеракциите на отворената економија со останатите (теоретските експликации на надворешната трговија, девизниот курс, рамнотежата во билансите на плаќања) ;
• анализите на меѓународното финасирање на развојот, облиците и движењата на капиталот, инвестициите, странската помош, мултинационалните фирми и процесите на глобализација. Положбата и процесите во Република Македонија.
• методолошкиот пристап и аналитичка апаратура за мерење и компарација на нивоата и динамиките на процесите на растот и нивните емпириски карактеристики;
• поврзаноста на технолошкиот прогрес и економскиот раст од аспект на постигнување днамичка ефикасност и одржливост;
• доминантните стратегиите на развојот во светот.
• алокацијата на ресурсите, инвестициите и растот и нивната ефикасност
• теоретските концепти (теориите) и нивната еволуција во објаснувањето на природата и процесите на растот и развојот;
• аналитичката рамка, одделните концептуални пристапи и практичните економски и социјални импликации од процесите на економски раст и развој во националните економии, одделните региони и светот во целина;
• меѓународните институционални аспекти на растот и развојот
• детерминантите на растот и развојната улога и значење на одделните фактори и ресурси;