Современата економска наука претприемништвото го вбројува во посебен, четврт развоен фактор. Предметот ги изучува основните карактеристики на претприемништвото и на претприемничкото однесување: иновацијата, ризикот, реалокацијата на ресурсите кон најпродуктивните точки на употреба и комбинацијата, рекомбинацијата и супституцијата на факторите на производство. Во предметот се елаборираат и искуствата на развојот и мерките и инструментите на подршка на малите и средните претпријатија и претприемништвото во развиените земји, земјите во развој и земјите во транзиција, а во тој контекст и во Македонија. Во апликативниот дел на малиот бизнис посебно внимание се обрнува на бизнис планот, неговата содржина и неговите функции.

• како се почнува со сопствен бизнис
• филозофијата на претприемништвото, суштината на претприемничкото дејствување и неговото значење за развојот на малите и средните бизниси;
• современите мерки и инструменти на подршка на претприемништвото и на креирање на претприемнички амбиент;
• клучните проблеми со кои се соочуваат претприемачите во различните фази на развој на претпријатието и можните пристапи за нивно релативизирање и надминување.