д-р Даниела Мамучевска родена е во Скопје. Во студиската 1996/97 година се запишува на Економскиот факултет во Скопје при Универзитетот “Св. Кирил и Методиј“ и дипломира во септември 2000 година со просечна оценка 9.30 на отсекот Финансии и банкарство. Во јануари 2007 година ги завршува постдипломските студии од областа на Монетраната економија при Економскиот факултет во Скопје и се стекнува со научното звање магистер по економски науки од областа на монетарната економија. Во периодот од септември 2007 до септември 2008 година ги завршува вторите постдипломски студии од областа на Економијата на Факултетот за економија и бизнис при РУГ Универзитетот во Гронинген, Холандија. Докторската дисертација на тема „Модели на регулација на монополското однесување на пазарот“ успешно ја одбранила на 24.04.2013 година на Економскиот факултет во Скопје при Универзитетот “Св. Кирил и Методиј“ , со што се стекнала со научен степен доктор по економски науки.
Д-р Даниела Мамучевска, досега пред научната и стручната јавност се презентирала со повеќе од 30 труда објавени во зборници од стручни конференции, монографии и стручни списанија. Понатаму учествувала на повеќе од 20 конференции, симпозиуми работилници и научни трибини. Досега д-р Мамучевска реализирала неколку студиски пресоти во странство (во Будимпешта, Холандија и Франција), а исто така учествувала и во реализација на повеќе домашни и меѓународни проекти.
Д-р Даниела Мамучевска досега била добитник на три стипендии, од кои две на Владата на Р. Македонија како студент на додипломски и на постдипломски студии и една на холандската влада како стипендист на NUFFIC програмата. Денес таа е член на повеќе алумни мрежи и асоцијации.
Нејзиниот научен и истражувачки интерес е насочен кон следниве области: микроекономија макроекономија, политиката за заштита на конкуренцијата, регулација на монополизирани дејности, политика на цени и ценовни стратегии, индустриска политика и организација.
На следниот линк можете да ја погледнете одлуката за избор на звање како и рецензенскиот извештај.
