Проф. д-р Лидија Пулевска-Ивановска дипломирала на Економскиот факултет во Скопје во 1997 година како најдобар студент во генерацијата, магистрирала на Универзитетот во Исланд во 2000 година, а докторирала на Економскиот факултет во Скопје во 2004 година.

Вработена е на Економскиот факултет од 1998 година, каде што е избрана во звањето редовен професор во 2014 година. Избрана е за раководител на Катедрата по Е-бизнис за периодот 2019-2022 година. Главни области на истражувачки интерес ѝ се бизнис логистиката, менаџментот на синџирот на снабдување и менаџментот на односите со потрошувачите.

На прв циклус студии предава Бизнис логистика, Менаџмент на односи со потрошувачите и Менаџмент на набавки. Активно учествува и во програмата по Е-бизнис менаџмент на втор циклус студии и во програмата по Организациски науки и управување (менаџмент) на трет циклус студии.

Автор е на повеќе научни трудови објавени во меѓународни научни списанија. Посетувала курсеви и конференции и остварила студиски престои на универзитети во Англија, Австрија, Шпанија, Португалија, Италија, Холандија, Белгија, Словенија, Исланд, Шведска, Франција и Јапонија.

На следниот линк можете да ја погледнете одлуката за избор на звање како и рецензентскиот извештај.