Билјана Ташевска е родена на 12 Септември 1983 год. во Скопје. Дипломира на Економскиот Факултет во Скопје, на отсек Финансиски Менаџмент во 2005 година со просечна оценка 9,61. Магистрирала во јули 2011 година на истиот факултет, на студиумот Управување во јавниот сектор, успешно одбранувајќи го својот магистерски труд „Буџетскиот дефицит, јавниот долг и проблемот на истиснување на приватниот сектор (crowding-out)“. Во март 2015 година успешно ја одбранила својата докторска теза „Меѓузависноста на буџетскиот дефицит, јавниот долг и фискалната одржливост“ на истиот Факултет и се стекнала со научен степен доктор на економски науки.
Во учебната 2005/2006 година е ангажирана како демонстратор по предметите Економика и Применета економијfа на Правниот Факултет во Скопје. Од јуни до декември 2006 година работи во Алфа Банка АД Скопје, во Секторот за кредитирање (Служба за кредитирање на правни лица). Во 2006 година е избрана за помлад асистент по предметот Основи на економијата на Економскиот Факултет во Скопје, а во август 2015 година е избрана во звањето доцент по економски науки, по предметот Општествено богатство и национални сметки.
На прв циклус студии ги предава предметите: Економија на социјалната држава и Национални сметки.
Главни области на нејзин научен интерес се следните: фискална политика, јавни финансии, макроекономија, социјалната држава (држава на благосостојба). Има објавено поголем број на трудови во научни списанија, монографии и зборници на меѓународни и домашни конференции, редовно учествува на симпозиуми, работилници и конференции, а учествувала и во реализација на неколку домашни и меѓународни проекти. Со цел стручно усовршување, остварила неколку студиски престои во странство (Србија, Република Чешка, Романија и Португалија).
На следниот линк можете да ја погледнете одлуката за избор на звање како и рецензентскиот извештај.
Проектни активности
- Учество во активности со фокус група во рамки на проектот Redefining the Manner and Determining the Criteria for Designated and Block Grants for Municipalities), World Bank technical assistance to the Ministry of Local Self-Government and Ministry of Finance of the Republic of Macedonia, 4 септември 2018.
- Консултант на Светска банка за публикацијата Систематска дијагностика за Поранешна Југословенска Република Македонија: Постигнување посветла иднина за сите (FYR Macedonia Systematic Country Diagnostic: Seizing a Brighter Future for All),
- Научен проект „Фискални мултипликатори – случајот на Република Македонија“, МАНУ, 01.01.2014-31.12.2016 година (соработник – истражувач).
- Учесник во меѓународен научен проект: “The Impact of European Debt Crisis on the Economic Integration Process in the EU”, заеднички проект на МАНУ и БАН, 2014-2016 (Бугарската Академија на Науките) (коавтор на дел од научна монографија).
- Проект за Техничка помош на Заводот за статистика на Р. Македонија “Technical Assistance to the State Statistical Office”, финансиран од Европската Унија, имплементиран од: ASA Institut Germany, Federal Statistics Office of Germany (DESTATIS) и Czech Statistical Office, Јуни 2010 – Јуни 2012, во Скопје (консултант – експерт за Component 2 – Further harmonizing national accounts and other economic statistics, Component 3 – Improved Business Statistics, and Component 4 – Improved Social Statistics).
- Научно-истражувачки проект „Анализа на економската одржливост на концептот Овластен економски оператор (ОЕО) во Република Македонија според правилата на Светската трговска организација (СТО)“, Економски факултет – Скопје, помлад истражувач, 2010 год. Обуки, работилници
- Предавач на обуката „Овластен портфолио менаџер“, организирана од Академија за Банкарство и Информациски Технологии (АБИТ), април, 2019.
- Предавач на меѓународната летна школа Направи разлика – стани млад лидер во справување со новите економски предизвици на патот кон ЕУ (Make a difference – become a young leader on dealing with new economic challenges on the path to the EU), организирана УКИМ, Економски факултет – Скопје, 7-13 август 2017, Охрид.
- Предавање на тема „Наследството на Милтон Фридман за економската наука и политика“, во рамки на настанот Friedman Legacy for Freedom Day, во организација на Здружението ДИВАН, Скопје, 29 јули, 2016.
- Предавач на настанот Friedman Legacy for Freedom Day, организиран од Школата за Јавни Политики „Мајка Тереза“, Скопје, 31 јули 2012.
Студиски престои
- ISEG Summer School: Using EU-SILC to simulate tax-benefit policies, , ISEG – Lisbon School of Economics and Management, University of Lisbon, 25-29 јуни 2019.
- Летна школа ECREB Basic Econometrics, организирана од Еast-European Center for Research in Economics and Business (ECREB), при Факултетот за Економија и Бизнис Администрација, во рамки на West University of Timisoara, Темишвар, Романија, 24-28 септември, 2012.
- Студиски престој на VŠB – Technical University of Ostrava, Faculty of Economics, Department of Regional Economics, во Острава, Република Чешка, во рамки на CEEPUS програма (Central European Exchange Programme for University Studies), 1 – 31 мај 2009.
- Летна школа “Vienna and Chicago: Two Schools of Free-Market Economics – with emphasis on competition and tax policy”, Белград, Србија, во организација на ESPI – Institut za Ekonomska i socijalna istraživanja – Beograd, јули 2008.
Секретар на меѓународното списание Journal of Contemporary Economic and Business Issues, кое го објавува Универзитет „Св. Кирил и Методиј“ во Скопје, Економски факултет – Скопје, 2013-2017.
