Роден е во 1962 година во Скопје. Дипломирал на Економскиот факултет во Скопје 1986 год. Магистрирал на Економскиот факултет во Белград 1993, а докторирал на Економскиот факултет во Скопје 2000 год. (докторска дисертација: “Управување со трошоците во системот на пресметка врз основа на активностите”). На Економскиот факултет во Скопје е вработен од 1987 година.

Во звањето редовен професор е од 2011 година. Научна преокупација му е од областа на сметководствено финансиска проблематика, а посебно државно сметководство и сметководство на непрофитни организации, анализа на финансиски извештаи, финансиско и менаџерско сметководство, менаџмент на трошоци, финансиски менаџмент и др.

На следниот линк можете да ја погледнете одлуката за избор на звање како и рецензентскиот извештај.

Во досегашниот период има објавено над 100 статии.
Рецензент е на неколку книги во издание на Економски факултет Скопје. Има објавено 3 книги: една самостојно Државно сметководство и сметководство на непрофитни организации (2004); и две книги во коавторство Вовед во сметководството (2004) и Основи на сметководството-Збирка задачи (2005). Коавтор е на објавен дел од книга (дигитална форма) Public Sector Accounting, Auditing and Control in South Eastern Europe, Public Sector Financial Management, Edited by Vesna Vašiček Gorana Roje, 2019   CHAPTER 7 Public Sector Accounting, Auditing and Control in the Former Yugoslav Republic of Macedonia.

Учествувал во изработка на 6 проекти за финансиска анализа на претпријатијата инволвирани во процесот на приватизација. На студиски престој бил во Белгија. Учествувал во изработка на проект од програмата Tемпус – Фаре под наслов “Европска димензија на образованието од областа на сметководството во Р. Македонија”; учество во проект под наслов: “Изградба на ревизорска професија во Република Македонија во контекстот на нејзиното интегрирање во процесот на глобализација-компаративен приод со развиените економии и економиите во транзиција” и др. Бил секретар на катедрата за сметководство и ревизија. Секретар е на втор циклус на студии на студиската програма Сметководство и ревизија.. Учествувал во комисијата за полагање на испит за ревизор при Министерството за финансии. Член е на Институтот на овластени ревизори на Република Македонија и член на Институтот на сметководители и овластени сметѕководители на Република Македонија. Како овластен ревизор е член на Комисија за спроведување на испитот за стекнување на звање ревизор од 2006 до денес при Институтот на овластени ревизори на Република Македонија. Член на издавачки одбор Информатор, Проагенс Скопје, член на програмски одбор на Симпозиуми организирани од Сојузот на сметководители на Република Македонија. Учествувал на повеќе домашни и меѓународни конференции, симпозиуми и научни собири. Учествувал во работна група за изготвување на законот за сметководство на буџети и буџетски корисници и правилник за сметководство на буџети и буџетски корисници во 2002 година и учествувал во работна група за изготвување на законот за сметководство на непрофитни организации и правилник за сметководство на непрофитни организации во 2003 година. Член на Управниот комитет за реформи во сметководството и институционалното зајакнување (РЕПАРИС) во 2007-2009 година. Член на Комисија за обука и спроведување на испит за проценители во МВР во 2012-13 година. Има посетувано семинари и курсеви од сметководството и ревизијата. Член е на Советот на втор циклус на Факултетот. Член на организационен одбор за летна школа. Член едукатор на Комисија за обука за инвестиционо советување за испит за инвестициони советници при Комисијата за хартии од вредност на РМ,. Учествувал во обуки за државна ревизија организирани од Државниот завод за ревизија на РМ. Учествувал како предавач на обуки организирани од ТАЗ организација од Белград. Поседува лиценца за вештак од областа на материјално, сметководствено и финансиско работење. Учествувал во обуки организирани од Здружение на внатрешни ревизори на Македонија.