Цели на предметната програма (компетенции): По завршувањето на наставата студентите треба да бидат способни да: 1.Да ја анализираат финансиската состојба на компанијата преку пресметка на финансиски показатели, да ги интерпретираат добиените резултати и да донесуваат препораки во врска со идните активности на финансискиот менаџмент, врз основа на добиените податоци. 2.Да вршат вреднување и пресметка на приносите кај долгорочните хартии од вредност, врз основа на примена на општоприфатените концепти за таа намена. 3.Да ја анализираат дивидендата политика на фирмата и да ги проценуваат нејзините импликации врз остварувањето на целите на финансискиот менаџмент и компанијата во целина. 4.Да ги анализираат и оценуваат ефектите од спојувањата, превземањата и останатите активности на полето на преструктуирањето на компаниите. 5.Да умеат да ги применат општоприфатените правила на оптимизација на портфолиото од аспект на соодносот помеѓу ризикот и приносот. 6.Да умеат да извршат избор на најсоодветните финансиски деривативи за управување со ризикот на компанијата и да ги дефинираат очекуваните ефекти од нивната употреба. | 