Економскиот факултет – Скопје, преку Центарот за кариера, објавува јавен повик за избор на студенти-тутори во рамките на Програмата студент тутор.
Програмата има за цел да воспостави организиран систем на академска поддршка, преку кој студенти со добри академски постигнувања ќе обезбедуваат дополнителна поддршка на свои колеги при совладување на наставните содржини и успешно напредување во студиите.
Програмата претставува дополнителна форма на студентска поддршка и не ги заменува редовната настава, вежбите и консултациите со наставниот кадар.
На повикот може да се пријават студенти на Економскиот факултет – Скопје кои:
При изборот може да биде побарано и мислење или препорака од предметниот наставник.
Обезбедуваат индивидуална или групна академска поддршка на студенти.
Помагаат во појаснување на наставни содржини, задачи и практични примери.
Споделуваат ефективни пристапи и техники за учење.
Ги реализираат туторските средби согласно однапред утврден распоред.
Водат редовна евиденција за реализираните активности.
Ги почитуваат принципите на професионалност, еднаков третман, доверливост и академски интегритет.
По завршувањето на постапката за избор, избраните студенти ќе поминат кратка ориентација за начинот на работа во рамките на програмата.
Туторските активности ќе се реализираат согласно Оперативен план, а за секоја активност ќе се води соодветна евиденција преку Евиденција на туторски активности.
Програмата ќе биде координирана од Центарот за кариера на Економскиот факултет – Скопје, во соработка со предметните наставници и другите релевантни служби на Факултетот.
Рок за пријавување: 20.11.2026
Сите горенаведени документи е потребно да се поднесат/испратат до е-мејл: Marijana.Sekulovska@eccf.ukim.edu.mk (раководител на Центарот за кариера).
По истекот на рокот за пријавување, доставените пријави ќе бидат разгледани согласно утврдените критериуми. По потреба, кандидатите може да бидат повикани на краток разговор.
Избраните студенти ќе бидат навремено информирани за резултатите од постапката и за следните чекори во реализацијата на програмата.
Учеството во Програмата студент тутор претставува можност студентите да придонесат кон академскиот успех на своите колеги, истовремено развивајќи сопствени комуникациски, лидерски, организациски и менторски вештини.
Дополнителни информации: Центар за кариера, Економски факултет – Скопје · Marijana.Sekulovska@eccf.ukim.edu.mk · тел. 02/3286-835