Проф. д-р Ирена Кикеркова е избрана во звањето редовен професор во октомври, 2007 година. Нејзина стручна и посебна научна област од интерес е: меѓународната економија, меѓународното движење на капиталот во вид на СДИ, Светската трговска организација и трговската либерализација и процесите на регионално интегрирање, осбено во рамките на ЕУ и ЦЕФТА-2006.

Во изведувањето на наставата и испитите е ангажирана на прв циклус на студии на Департманот надворешна трговија.

На втор циклус на студии е ангажирана на две програми и тоа:

• Втор циклус европски студии
• Втор циклус студии економски развој и меѓународни финансии.

Ангажирана е и на трет циклус на студии на програмата од економија.

На следниот линк можете да ја погледнете одлуката за избор на звање како и рецензентскиот извештај.

Во текот на својата кариера проф. Кикеркова објавила околу 80 статии како автор и коавтор, три учебници како автор, три книги како коавтор, три истражувачки монографии како коавтор и била уредник на две меѓународни истражувачки монографии. Сите од нејзините истражувачки статии, како и објавените книги и монографии се од областа на меѓународната економија, меѓународната трговија и трговската либерализација , регионланите интеграции и странските директни инвестиции.

Врз основа на потпишаниот Меморандум за соработка со Светската царинска организација од Брисел, Белгија и Меѓународната мрежа на царински универзитети ИНКУ, со седиште во Канбера , Австралија и во соработка со Царинската управа на РС Македонија, проф. Кикеркова учествувала во основањето на Регионалниот тренинг центар на Светската царинска организација како организациска единица на Економскиот факултет – Скопје при УКИМ во 2009 година. Таа воедно е и актуелниот директор на овој центар.

Проф. Кикеркова за периодот 2020-2025 е избрана за член на Собранието на Стопанската комора на Македонија.

Во периодот од 2011-2019 година успешно завршила два мандати како раководител на Катедрата за надворешна трговија на факултетот и член на Деканатската управа на факултетот.