Недановски д-р Пеце дипломирал, магистрирал и докторирал на Економски факултет – Скопје, а магистрирал и на Institute for Advanced Studies во Виена, Австрија. На Економски факултет – Скопје работи од 1989 година. Освен тоа, предава и на неколку други факултети во рамки на Универзитетот „Св. Кирил и Методиј“ во Скопје (УКИМ).

Се јавува како автор или коавтор на неколку книги, студии и учебници, како и повеќе од 100-на научни и стручни трудови објавени во домашни и меѓународни списанија. Главни области на негов научно-истражувачки интерес се: економски систем, економска политика, економија на здравство, економија на животна средина, регионален и локален економски развој. Работел на преку 40-на проекти за потребите на голем број институции: Програмата за развој на ОН (UNDP), Светска банка (WB), Комисијата на Европската унија, Фондот за деца при ОН (UNICEF), Светскиот економски форум (WEF), Агенцијата на САД за меѓународен развој (USAID), Шведската агенција за меѓународен развој (Sida), Регионалниот центар за животна средина во Унгарија (REC), Советот на Европа (Council of Europe) и др.

Во периодот 2005-2008 година бил Продекан за настава на Економски факултет – Скопје, а од 2008-2012 година ја обавувал функцијата Проректор за финансии, инвестиции и развој на УКИМ. Исто така, во периодот 2007-2019 година бил независен член на Надзорниот одбор на УНИ Банка Скопје. Од 2015 година поседува меѓународна лиценца за верификатор за реализација на процесот Business Friendly Certificate за Југоисточна Европа.

Реализирал поголем број студиски престои во странство: Универзитетот Оксфорд (Велика Британија), Институтот за напредни студии во Виена (Австрија), Интернационалниот центар за трансфер на технологии за заштита на животната средина во Јокаичи (Јапонија), Универзиттетот Стендал во Гренобл (Франција), Универзитетот Еразмус во Ротердам (Холандија), Институтот за економски науки во Париз (Франција), Универзитетот Лојфана во Лунебург (Германија), Универзитетот во Лимерик (Ирска), Колеџот на Европа во Бриж (Белгија), Централноевропскиот универзитет во Будимпешта (Унгарија) и др.

На следниот линк можете да ја погледнете одлуката за избор на звање како и рецензентскиот извештај.

Учебници, книги и студии

1. Економскиот развој и животната средина, Економски факултет, Скопје, 2000, стр. 288.
2. Obstacles to Trade, Growth, Investment and Competitiveness – Ten Case Studies on Balkan Businesses, ко-авторство, Chesapeake Associates, Washington, DC, September 2001, 129.
3. Применета економија, ко-авторство, Економски факултет, Скопје, 2003, стр. 570.
4. Економски аспекти на заштитата на животната средина, Економски факултет, Скопје, 2004, стр. 362.
5. Национален план за заштита на амбиенталниот воздух во Република Македонија, ко-авторство, Министерство за животна средина и просторно планирање, Македонски информативен центар за животна средина, Арбериа дизајн, Скопје, мај, стр. 155.
6. Green Jobs: Case Study of the Republic of Macedonia, USAID and Habitat, 2013, November, Skopje, pp. 148.
7. Нобеловци по економија 1969-2020, ко-авторство, Економски факултет, Скопје, 2020, стр. 586.
8. Вовед во економија на животната средина, Економски факултет, Скопје, 2020, стр. 340.
9. Analysis of the Green Skills Situation in the Republic of North Macedonia, ко-авторство, UNICEF, Swiss Agency for Development and Cooperation, EcoLogic, 2022, Skopje, pp. 128.
10. Испорака на комунални услуги, зазеленување, менаџирање со кризи и градење отпорност, проект: „Зајакнување на општинските совети – фаза 2“ (Empowering Municipal Councils – Phase 2), Влада на Швајцарија, Министерство за локална самоуправа и УНДП, Скопје, 2023, стр. 53.

1. Проректор за финансии, инвестиции и развој, Универзитет „Св. Кирил и Методиј“ во Скопје (УКИМ), 2008-2012 год.,
2. Продекан за настава, Економски факултет – Скопје, УКИМ, 2005-2008 год.,
3. Раководител на Центар за економски истражувања (ЦЕИ), Економски факултет – Скопје, 2012-2016 год.,
4. Раководител на Студиска програма од II циклус студии по Управување во јавниот сектор, Економски факултет – Скопје, 2013-2021 год.,
5. Независен член на Надзорен одбор на УНИ банка, А.Д. Скопје, 2007-2019 год.,
6. Член на Борд на директори на бизнис-инкубатор Youth Entrepreneurship Service – YES, Скопје, 2008-2011 год.,
7. Член на Управен одбор на MARnet, 2009-2010 год.,
8. Член на International Editorial Board на научното списание Economic Horizons, Faculty of Economics, University of Kragujevac, Serbia, 2012-2014 год.,
9. Член на Програмски одбор на Medjunarodni poslovni forum – Perspektive, Сараево, 2009-2011 год.,
10. Член на Совет на Министер за животна средина и просторно планирање, Скопје, 1999-2001 год.;