Последипломските студии по Монетарна економија, финансии и банакрство се организирани во два семестри, при што вклучуваат и изработка на магистерски труд.

Структура на предметите:

• Шест изборни предмети од листата на Економски факултет – Скопје
• Еден изборен предмет од листата Универзитетот „Св. Кирил и Методиј“ во Скопје

Од понудените изборните предмети, студентите треба да изберат вкупно 7(седум) предмети, и тоа: 6 (шест) предмети од студиската програма плус еден предмет од листата на УКИМ.

Во првиот (зимски) семестар, студентите избираат 4 (четири) предмети од студиската програма плус 1 (еден) предмет од листата на УКИМ.
Во вториот (летен) семестар, студентите бираат 2 (два) предмета од студиската програма.
Студиите се завршени ако студентот освоил најмалку 60 кредити според ЕКТС.
Бројот на часовите за редовна настава и менторска настава се определува според бројот на пријавените студенти.

Цели

Образовни цели на последипломските студии од Монетарна економија се:

• Образование на кандидатите за анализа на макроекономските текови и движења и за работа во областа на макроекономската политика;
• Образование на кандидатите за разбирање и анализа на меѓународните економски односи и суштината на меѓународното финансирање на бизнисот;
• Да се обучат кандидатите за управување со финансиските институции, како и за анализа на хартиите од вредност и управувањето со портфолиото;
• Изучување на прашањата поврзани со финасискиот менаџмент, т.е. финансирањето на корпорациите;
• Изучување на проблемите на јавните финансии во две подгрупи: првата, фискаланата политика (јавните приходи и управување со расходите) и втората, оданочувањето, структурата на даночниот систем, видовите на даноци и нивните карактеристики.

Професионални цели на последипломските студии од Монетарна економија се:

• Образование на високо стручен професионален кадар со лидерски способности за работа во финансиските институции и нефинансиските фирми;
• Студиумот е ориентиран кон потребите на приватниот сектор (банките, небанкарските финансиски посредници и нефинансиските фирми со развиени финансиски сектори), а од друга страна, студиумот нуди и софистициран теоретско-методолошки инструментариум за потребите на научно-истражувачките институции и носителите на економската политика.

Понатамошни студии

Студентите можат да се запишат на докторски студии.

Семестар   1

Семестар   2