Магистрирала во 1993 година на Економскиот факултет во Белград.
Во 1999 година докторирала на Економскиот факултет-Скопје кога е избрана за доцент по предметот Ревизија.
Во 2004 година избрана е за вонреден професор, а во 2009 за редовен професор на предметите Ревизија, Основи на сметководството и Интерна ревизија.

На втор циклус студии е ангажирана на студиски програма – Сметководство и ревизија каде што ги предава предметите: Ревизија, Државна ревизија и Испитување на измами.

На трет циклус на студии го предава предметот Ревизија и уверување.

Била продекан за финансии на Економскиот факултет-Скопје во периодот 2005-2010 год.

Раководител е на Катедрата по сметководство и ревизија од 2013 година. Од 2013 година Раководител е на втор циклус на студии на студиската програма Сметководство и ревизија.

Како овластен ревизор во периодот 2005-2011 година била член на Советот за унапредување и надзор на ревизија. На предлог на Институтот на овластени ревизори на Република Македонија е реизбрана за член на Советот за унапредување и надзор на ревизијата во период од 2012 – 2017 година.

Од 2006 до 2012 година именувана е за претседател на Одбор за ревизија на Стопанска банка – АД Скопје.

На следниот линк можете да ја погледнете одлуката за избор на звање како и рецензентскиот извештај.

Ги објавила следните книги: „Ревизија“, Економски факултет – Скопје, Скопје, 2001; „Вовед во сметководството“ во коавторство, Економски факултет-Скопје, Скопје, 2004; „Ревизорската професија во развиените економии, економиите во транзиција и Република Македонија – компаративен пристап”, Економски факултет-Скопје, Скопје, 2004; „Основи на сметководството, збирка задачи“ во коавторство, Економски факултет-Скопје, Скопје, 2007; „Ревизија”, второ издание, Економски факултет-Скопје, Скопје 2011; „Основи на сметководство“ во коавторство, Економски факултет-Скопје, Скопје, 2019.
Има објавено повеќе од 90 трудови од кои најголем дел се од учества на меѓународни конференции одржани во Европа, САД, Азија и Африка.

Остварила неколку студиски престои во странство и тоа: студиски престој на Arizona State University, САД, 1995; Maastricht School of Management, Холандија, 1996; University of Wolverhampton, Англија, 1998; Northern Illinois University, De Kalb, Illinois, САД, 1999; Universtiry of Gent, Белгија, 2000, 2001; University Deusto, Билбао, Шпанија, 2000 и 2001; University of Iceland, Рејкјавик, Исланд, 2005; Institut d’Administration des Entreprises de Paris University of Paris I – Pantheon Sorbonne (IAE), Париз, Франција, 2008; Hogeschool – Westlaanderen, Бриж, Белгија.

Учествувала во реализирање на следниве позначајни проекти: Eurodimension of accounting education in Republic of Macedonia(TEMPUS), 2000-2001; ТEMPUS – проект за развој на последипломски студии по Е-бизнис – менаџмент по пат на далечинско учење MEMFES, 2008; REPARIS, регионален проект на Светска банка, 2009-2011; проект за обука на сметководители во јавен сектор во огранизација на CIPFA и CEF 2008, проект за обука на интерни ревизори во јавен сектор во огранизација на CIPFA и CEF 2013 и 2014 година.