Услови за запишување и напредување на студиите
На студиската програма по Е-бизнис менаџмент можат да се запишат студенти кои завршиле четворогодишни додипломски студии или завршиле студиска програма од прв циклус студии според ЕКТС со вкупен број на 240 кредити.
На студиската програма можат да се запишат студенти од било која област бидејќи е-бизнис моделите кои се предмет на изучување на студиите се користат во сите области на општеството и економијата.
По завршувањето на предвидените активности, се добива диплома Магистер по економски науки од областа на е-бизнис менаџмент.
Компетентност за работни места
- Во областа на бизнисот и економијата кои се базираат на интензивна употреба на ИКТ;
- Во компании кои што интензивно користат веб базирани технологии во контактите со добавувачите, купувачите, финансиските институции и јавниот сектор;
- На дизајнирање и на развој на веб базирани информациски системи во големи, средни и мали претпријатија;
- Во јавниот сектор кој користи веб базирани услуги кон граѓаните и компаниите;
Општи и специфични компетенции
- Работа во интердисциплинарни тимови во глобално и мултикултурно окружување;
- Анализа, синтеза и критичка евалуација на факти и за донесување на квалитетни бизнис одлуки;
- Поврзување на теоретските знаења со нивна практична примена;
- Препознавање на потенцијалите и можностите од ИКТ како потикнувач на промените во економијата базирана на знаење;
- Дизајнирање, имплементација и менаџирање со е-бизнис решенија и веб базирани информациски системи во согласност со стратегиските цели на организациите;
- Консалтинг вештини од областа на е-бизнисот во приватниот и јавниот сектор;
- Развивање маркетинг стратегии преку интернет и други безжични технологии;
- Разбирaње и анализирање на теориите и практиките во рамките на е-влада;
- Менаџирање со синџирот на снабдување;
- Продолжување на образованието во трет циклус студии.
♦ Брошурата за студиите може да се преземе тука.
