Јунус центар за социјални бизниси е истражувачки хаб за социјални бизниси основан од професорот Мухамед Јунус, добитник на Нобеловата награда за мир во 2006 година. Центарот ги следи принципите и упатствата на професорот Јунус и се обидува да ја унапреди улогата на социјалниот бизнис во решавањето на најитните проблеми во општеството поврзани со сиромаштијата, нееднаквоста, невработеноста, општествената инклузија, деградацијата на животната средина, како и унапредување на општествената благосостојба и квалитетот на живот на одржлив и ефективен начин.

Јунус центарот за социјални бизниси на Економски факултет – Скопје претставува дел од мрежата на Центри за социјални бизниси под името Yunus кои функционираат во повеќе од 100 универзитети ширум светот. Ваквите центри се формираат исклучиво во рамките на универзитетите, поради што посебен простор се обезбедува за извршување на нивните активности. Студентите најчесто се инволвираат и волонтерски учествуваат во активностите на центрите.

Целта на Јунус центар за социјални бизниси во рамките на Економскиот факултет во Скопје е да се развијат и реализираат: акциони програми за социјални бизниси, курсеви, обуки, семинари, конференции, истражувања, публикации, лаборатории за социјален бизнис, инкубатори, акцелераторски програми, програми за размена, посети, стажирање и програми за стипендии.

Како дел од проектот USE-IPM, Центарот за претприемништво и иновации работи во тесна координација со Јунус центар за социјални бизниси, заеднички спроведувајќи активности што ги поврзуваат претприемничкото образование, поддршката за иновации и развојот на социјалниот бизнис.

Центарот за претприемништво и иновации, вграден во академска институција, служи како долгорочен столб за зајакнување на локалниот претприемачки екосистем. Тој делува како мост помеѓу јавниот и приватниот сектор, зајакнувајќи ја соработка помеѓу академијата бизнисот, јавните институции и граѓанските организации.

Центарот за претприемачки и иновации има тројна мисија:

1. Инспирирање и поддршка на идните иноватори преку мотивирање на младите луѓе и опремување со основни претприемачки вештини преку обуки и развој.
2. Надградба на способностите за бизнис иновации преку помагање на компаниите да го подобрат управувањето со процесите на иновации преку напредна, практично ориентирана обука.
3. Овозможување на учење во реалниот свет и соработка во истражувањето и иновацијата преку организирање пракси и применети активности за истражување и иновација во одбрани претпријатија, каде што студентите работат во меѓусекторски тимови заедно со претставници на бизнисот за да развијат иновативни решенија.