На 18. Меѓународен конгрес за евроазиски економии (International Congress on Eurasian Economies), одржан на 15 и 16 октомври 2026 година во Сараево, Босна и Херцеговина, научниот труд „From Accounting Education to Professional Practice: Sustainability Reporting Readiness in North Macedonia“ ја доби наградата Best Paper Award (Награда за најдобар труд).
Трудот, кој на конгресот го презентираше асист. м-р Бојан Малчев, е резултат на заедничката научноистражувачка работа на тимот од Катедрата за сметководство и ревизија при Економскиот факултет – Скопје.
Истражувањето е реализирано во рамки на научноистражувачкиот проект „Поврзување на перспективите: увид во предизвиците на стејкхолдерите во известувањето за одржливост“, финансиран од Универзитетот „Св. Кирил и Методиј“ во Скопје.
Ова меѓународно признание претставува потврда за квалитетот на научноистражувачката работа на Економскиот факултет – Скопје и придонесот на неговите истражувачи во проучувањето на современите предизвици во сметководството и известувањето за одржливост.
Честитки до целиот тим!