Ни претставува особена чест и задоволство да ве поканиме на седмиот од серијата отворени настани организирани од страна на Катедрата по математика и статистика под името Quant Talks, кој ќе се одржи на 13.05.2026 (среда) од 12:15-12:45ч во Сала за состаноци. Настанот можете да го проследите и онлајн на следниот линк: https://meet.google.com/aob-qysm-opf
Гостин-предавач ќе биде д-р Филип Кох,истражувач и раководител на одделот за наука за податоци во економскиот институт EcoAustria, предавач по макроекономија на Виенскиот Универзитет за Економија и Бизнис и надворешен член на Центарот за колективно учење на Универзитетот Корвинус во Будимпешта. Тој има докторат од Универзитетот во Тулуз и Центарот за колективно учење (2024), со дисертација на тема на примени техники на машинско учење на историски податоци за долгорочни модели на економски развој и структурни промени. Пред докторатот, магистрирал економија на Виенскиот Универзитет за Економија и Бизнис (2020) и работел како истражувачки асистент и помлад истражувач во EcoAustria. Неговото истражување се фокусира на економски развој, структурни промени, иновации, трговија и економска географија, со примени на економетрија, машинско учење и наука за податоци.
Презентацијата ќе биде на тема „Зголемување на достапноста на историските проценки за БДП по глава на жител преку машинско учење“ (“Augmenting the availability of historical GDP per capita estimates through machine learning”).
