Веќе втора година по ред, Алумни заедницата на Економски факултет–Скопје активно расте, создавајќи нови пријателства, професионални врски и силно чувство на припадност кон факултетот и заедницата.
Овој пат, со особено задоволство, сакаме да ги запознаеме и најмалите, оние кои секојдневно ги слушаат приказните за студентските денови на своите родители.
Ги покануваме сите Алумни на Економски факултет–Скопје да ни се придружат на еден поинаков и топол настан, „Каде учеле мама и тато“, каде заедно ќе се потсетиме на убавите факултетски моменти и ќе им покажеме на најмилите каде започнале многу животни и професионални приказни.
Настанот ќе започне во 12:00 часот во Амфитеатар 1 на Економски факултет–Скопје, по што следува дружба, прошетка низ факултетот, како и многу забава и изненадувања за децата.
Добредојдени се сите наши алумни, оние кои ќе дојдат со своите најмили, но и оние кои едноставно сакаат повторно да го почувствуваат духот на факултетот и да се дружат со колегите и пријателите.
