Ни претставува огромна чест и задоволство да го најавиме 44-тиот Регионален курс за основните прашања на меѓународната економска агенда за земјите во транзиција што во соработка со УНКТАД ќе се одржи на Економскиот факултет во Скопје.

Курсот ќе се одржи во периодот од 18-29 октомври 2021, а ќе учествуваат претставници од  Албанија, Азербејџан, Белорусија,  Русија, Северна Македонија, Србија, Узбекистан и Украина.

Во рамките на курсот ќе се разработуваат повеќе актуелни прашања од областа на меѓународната економија значајни за земјите во транзиција: политики на економски развој, современи трендови во меѓународната трговија и финансиите, предизвици на мултилатералниот трговски систем,  трговската логистика, регионалните трговски спогодби, дигиталната економија, СДИ, технологијата и иновациите.