Цел на студиската програма по Е-БИЗНИС е да им овозможи на студентите да се стекнат со продлабочени
знаења од областа на информациските системи за деловно работење и е-бизнисот како и со специфични вештини
за примена на ова знаење во практиката. За остварување на овие цели, студиската програма ги обработува
теоретските аспекти на оваа област, фокусирајќи се и на нивната практична примена.
 Со усвојувањето на сознанијата на оваа студиска програма, се очекува студентот да ги демонстрира
следниве знаења, способности и вештини:

 Знаење и разбирање:
  • Стекнува продлабочени знаења за современите светски практики од областа на е-бизнисот и е-комерцијата;
  • Стекнува знаења од областа на дигиталната економија и создавањето на вредност во дигиталната
економија;
  • Стекнува знаење од областа на бизнис информациските системи, менаџментот на ИКТ, мрежните пазари
и конкуренцијата;
  • Стекнува способност и знаење за подржување на дигитализацијата и бизнис стратегијата на претпријатијата;
  • Стекнува знаење од областа на дигиталниот маркетинг, системите за управување на односите со
купувачите, комплексните мрежни комуникации, како и користење на социјалните медиуми во насока на
остварување на бизнис стратегиите;
  • Стекнување на знаења од областа на управувањето со синџирот на снабдување и нивната поврзаност со
синџирите на создавање додадена вредност во производството и мрежите на вредност;
  • Стекнува потребно знаење и вештини за дефинирање и анализирање на бизнис процесите, како и
управување со нив во насока на подобрување на организациските перформанси;
  • Стекнува знаење за основните елементи на компјутерските програмски јазици за развој, имплементација
и менаџирање на бизнис апликации;
  • Стекнува знаење за специфични софтверски алатки имплементирани во претпријатијата, презентирајќи ги
од теоретски и практичен аспект.

Примена на знаењето и разбирањето:
  • Способност за дизајнирање, креирање, имплементација и менаџирање со е-бизнис решенија и веб
базирани информациски системи во согласност со стратегиските цели на организациите;
  • Да ги применува теоретските знаења со помош на кои успешно развива интернет маркетинг комуникациски
план;
  • Да ги искористат потенцијалите на информациските системи за дигитализација на синџирот на снабдување;
  • Самостојно комбинира и развива план за тоа како соодветни ИКТ можат да бидат користени од страна на
компаниите за да ја подржат имплементацијата на е-бизнисот;
  • Да ги употребуваат најновите технологии и трендови при изработката на веб решенија, да изработат веб
сајт и да ги применуваат основните правила и алатки за креирање на веб содржини;

 •Да користат податоци од истражувања, трансакции, интернет, социјални мрежи и сл. за мерење и
менаџирање на односите со потрошувачите;
  • Да ги применат потенцијалите на информациските системи за поддршка на имплементирањето на CRM
концептот во бизнис практиката;
  • Ги применува теоретските принципи за имплементирање на софтверски алатки за деловно работење;
  • Да ги применуваат стекнатите вештини во реални сценарија.

 Способност за проценка:
  • Покажува способност за анализа на е-бизнис процесите и идентификување на релевантните информации,
неопходни за менаџирањето со овие процеси;
  • Покажува способност за идентификување и прибирање на релевантни примарни и секундарни податоци,
неопходни за истражување на проблемите и ситуациите со кои се соочуваат компаниите во дигиталното
окружување;
  • Студентите ќе бидат способни да одредат/проценат и имплементираат соодветна методологија за развој
на информациски системи;
  • Демонстрира способност за анализа на податоци и интерпретација на добиените резултати и нивна примена
во насока на унапредување на конкурентоста на претпријатијата во глобалното дигитално окружување.

 Комуникациски вештини:
  • Покажува способност за тимска работа, иницира дискусии, но и активно го слуша соговорникот.
  • Успешно ги применува принципите и кодексите на професионалното деловно комуницирање.
  • Покажува способност за успешна презентација на добиените резултати од спроведените истражувачки
проекти.
  • Поседува разбирање на психолошките процеси врз основа на кои се базира човековото однесување
генерално, како и интеракциите со ИКТ.

 Вештини за учење:
  • Поседува развиени вештини за учење – читање, меморирање, слушање, интерактивно учество,
набљудување и анализа.
  • Демонстрира способност за критичка оцена на презентираните идеи, нуди оригинални решенија и успешно
се справува со секоја поставена задача.
  • Ги препознава сопствените интереси во областа на е-бизнисот и успешно се стекнува со нови знаење и
вештини.
Квалификација која се стекнува: Дипломиран економист на департманот Е-бизнис.