УНИВЕРЗИТЕТОТ „СВ. КИРИЛ И МЕТОДИЈ” ВО СКОПЈЕ
објавува
КОНКУРС
за студентски мобилности во рамки на програмата ЕРАЗМУС+
АКЦИЈА 1: ИНДИВИДУАЛНА МОБИЛНОСТ ЗА СТУДЕНТИ
за летниот семестар во академската 2024/2025 година
Во рамки на програмата ЕРАЗМУС+ KА131 на Европската комисија, Универзитетот „Св. Кирил и Методиј” во Скопје распишува конкурс за доделување стипендии за индивидуална мобилност за студенти на високообразовните институции во програмските држави:
- државите членки на ЕУ
- државите членки на ЕФТА кои се и членки на ЕЕО (Норвешка, Исланд и Лихтенштајн)
- Република Србија и Република Турција
Конкурсот е отворен за
- 30 студентски мобилности за студирање
- 22 студентски мобилности за пракса/стажирање
Времетраење на мобилноста
- Студентска мобилност за студирање
- за студенти од сите три циклуси: еден семестар (летен семестар)
- за студенти од трет циклус е можна и кратка форма на мобилност од 5 до 30 дена
- Студенстка мобилност за пракса/стажирање
- за студенти од сите три циклуси: минимум 2 месеци, максимум 4 месеци
- за студенти од трет циклус е можна и кратка форма на мобилност од 5 до 30 дена
Согласно правилата на Еразмус+ програмата студентите можат да реализираат вкупна физичка мобилност (мобилност за студирање, мобилност за пракса или комбинирана мобилност) од максимум 12 месеци во текот на еден студиски циклус. Но, поради ограничениот број на мобилности на годишно ниво, а со цел поголем број на студенти да бидат вклучени во овие форми на мобилност, во процесот на селекцијата предност ќе имаат кандидатите кои претходно не користеле Еразмус+ стипендија.
Право на пријавување
Редовни студенти на
- прв циклус студии, со најмалку завршена прва година на студии, односно запишан трет семестар
- втор циклус студии
- трет циклус студии
Мобилноста се остварува во рамки на потпишани Еразмус+ договори меѓу УКИМ и високообразовни институции во програмските држави. (Види листа на Еразмус+ договори)
*ЗА СТУДЕНТИТЕ НА ЕКОНОМСКИ ФАКУЛТЕТ-СКОПЈЕ: ЛИСТА НА ЕРАЗМУС+ ДОГОВОРИ (линк)
Потребни документи за мобилност на студенти
Сите документи за аплицирање се достапни на интернет-страната на Универзитетот Меѓународна соработка- ERASMUS+ или интернет-страната на факултетот:
- пополнет формулар за пријавување (Student Application Form);
- уверение за положени испити на македонски јазик;
- уверение/диплома за познавање на англиски јазик или јазикот на кој се изведува наставата на ЕУ универзитетот издадена од признат центар/школа за странски јазици;
- уверение за редовен студент – запишан семестар/година (на македонски јазик);
- кратка биографија (Europass model).
- мотивациско писмо (на македонски јазик)
Задолжително:
за студентска мобилност за студирање:
- договор за студирање (Learning Agreement for studies) во кој се утврдува програмата за студирање, потпишана и одобрена од страна на студентот, матичниот факултет/Еразмус+ координаторот и факултетот во странство (минимум 20 ЕКТС- максимум 30ЕКТС)
за студентска мобилност за пракса/стажирање:
- договор за пракса/стажирање (Learning Аgreement for Traineeship)
- покана (Invitation Letter) од институцијата/организацијата/компанија/претпријатие) во која ќе се одвива праксата/стажирањето
Кандидатите за студентска мобилност за студирање од Економскиот факултет – Скопје, УКИМ лично ја поднесуваат апликацијата во три примерока до Центарот за кариера при Економскиот факултет – Скопје кој функционира и како Канцеларија за меѓународна соработка на факултетот и е во тесна соработка со Еразмус+ координаторот на Економскиот факултет, најдоцна до 4 октомври 2024.
Кандидатите за студентска мобилност за пракса/стажирање лично ја поднесуваат апликацијата во три примерока до Центарот за кариера при Економскиот факултет – Скопје кој функционира и како Канцеларија за меѓународна соработка на факултетот и е во тесна соработка со Еразмус+ координаторот на факултетот, најдоцна до 19 ноември 2024.
(Еден примерок за досието на студентот во Центарот за кариера, еден примерок задржува студентот и еден примерок се доставува до Ректоратот на УКИМ)
Еразмус+ координатор за Економски факултет-Скопје
Проф. д-р Елена Наумовска (Еразмус координатор)
e-mail: erasmus@eccf.ukim.edu.mk
+389 (0)2 3286-896
Контакт лице за секакви информации поврзани со повикот, на Економскиот факултет – Скопје е:
Канцеларија за меѓународна соработка – контакт информации :
м-р Маријана Цветковска (Советник за меѓународна соработка)
е-mail: marijanasekulovska@eccf.ukim.edu.mk
тел.02/3286-835
Работно време: понеделник-петок 8.00-16.00 часот
РАЗМЕНА НА СТУДЕНТИ- НАЈЧЕСТО ПОСТАВУВАНИ ПРАШАЊА
ПРОЦЕДУРИ ЗА МОБИЛНОСТ НА СТУДЕНТИ И НАСТАВЕН КАДАР
ВАЖНО: Економскиот факултет-Скопје , УКИМ ќе организира ИНФОРМАТИВНА СЕСИЈА за Еразмус+ СТУДЕНТСКАТА МОБИЛНОСТ (за датумот ќе бидете дополнително информирани)
Првичната селекција/рангирање на кандидатите ја прави факултетот/институтот согласно следниве критериуми:
- академски успех
- познавање на англиски јазик или јазикот на кој се изведува наставата
- мотивација за реализирање на Еразмус+ мобилност
Согласно Еразмус повелбата за високо образование 2021-2027, при селекцијата на кандидатите ќе се води сметка за вклучување на студентите со посебни потреби и помалку можности (Види Инклузија (поддршка) на студенти со посебни потреби и помалку можности)
Краен рок за поднесување на рангираните апликации – студентска мобилност за студирање од страна на факултетите до Ректоратот е 11 октомври 2024.
Краен рок за поднесување на рангираните апликации – студентска мобилност за пракса/стажирање од страна на факултетите до Ректоратот е 26 ноември 2024.
Висината на стипендијата/грант за студентите изнесува 606-674 ЕУР месечно, согласно земјата во која се престојува, види: (Листа за студирање) (Листа за пракса).
Патните трошоци и здравственото осигурување ги покриваат лично студентите.
УНИВЕРЗИТЕТ „СВ. КИРИЛ И МЕТОДИЈ” ВО СКОПЈЕ