Цел на студиската програма по МАРКЕТИНГ е да им овозможи на студентите да се стекнат со продлабочени
знаења од областа на маркетингот и со специфични вештини за примена на ова знаење во практиката. За
остварување на овие цели, студиската програма ги обработува теоретските аспекти на оваа област, фокусирајќи се
и на нивната практична примена.
Со усвојувањето на сознанијата на оваа студиска програма, се очекува студентот да ги демонстрира
следниве знаења, способности и вештини:

 Знаење и разбирање:
  • Демонстрира знаење во врска со маркетинг-инструментите во производните и услужните компании во
насока на остварување на позитивни резултати во работењето .
  • Покажува знаење кое е неопходно за идентификување на различните аспекти и фактори кои влијаат врз
однесувањето на потрошувачите и врз процесот на донесување одлука при купување.
  • Демонстира знаење за процесот на маркетинг-планирање, формулирање и имплементирање на маркетинг-
стратегиите и маркетинг-одлучувањето.
  • Демонстрира знаење за стратегиите за иновација и воведување нов производ на пазарот, за стратегиите
на дистрибуција и за маркетинг-каналите, за стратегиите и тактиките во формулирањето на политиката
на цени и за маркетинг-комуникациските стратегии применувајќи пристап на интегрирани маркетинг-
комуникации.
  • Демонстрира знаење за комуникацијата со интерната и екстерната јавност и за комуницирањето преку
директна комуникациска порака со фокус на маркетинг-комуникациските активности преку е-маил.
  • Демонстрира знаење за одделните фази од процесот на маркетинг-истражување и методите кои што се
користат во маркетинг-истражувањето.
  • Демонстрира знаење за одделните методи и алатки за анализа на податоците кои може да се обезбедат
преку социјалните медиуми.
  • Демонстрира знаење за концептот и примената на меѓународниот маркетинг.
  • Демонстрира знаење за основните концепти и за целиот еко-систем на социјалните медиуми и нивниот
импакт врз маркетинг-стратегиите на компаниите.
  • Демонстрира знаење за процесот на создавање содржина за различни медиуми и за развивање маркетинг-
стратегии на содржина.

 Примена на знаењето и разбирањето:
  • Ги применува теоретските познавања со помош на кои успешно ги идентификува и ги комбинира одделните
инструменти на маркетингот на производ, односно услуга.
  • Ги применува теоретските познавања со помош на кои успешно ги идентификува и ги разбира факторите
кои влијаат врз однесувањето на потрошувачите и врз процесот на донесување одлука при купување.
  •Самостојно донесува одлуки за инструментите на маркетинг-комуникациите, за медиумите за комуникација,
како и одлуки во врска со пораката и структурата на истата.
  • Самостојно ги анализира маркетинг-стратегиите на компаниите и донесува најдобри маркетинг-одлуки во
процесот на маркетинг-планирање.
  • Самостојно донесува одлуки во врска со изборот и комуникацијата со целните групи јавност, селектирањето
на купувачите, креирањето директна маркетинг-комуникациска порака и е-маил маркетинг-кампања врз
основа на ситематизирани податоци за купувачите.
  • Самостојно развива маркетинг-истражувачки проект и ги истражува и анализира одделните маркетинг-
инструменти и однесувањето на потрошувачите, предлагајќи соодветни решенија.
  • Самостојно ги применува одделните методи и алатки за анализа на податоците кои може да се обезбедат
преку социјалните медиуми.
  • Ги имплементира соодветните политики на производот.
  • Способен е да направи анализа на алтернативните канали на дистрибуција и да направи избор на каналите
кои ќе се користат во функција на остварување на целите на дистрибуција. Самостојно развива стратегија
и тактика во врска со цените како инструмент на маркетингот.
  • Самостојно развива стратегија за маркетинг преку социјални медиуми, имајќи ја предвид дигиталната
маркетинг-стратегија.
  • Самостојно развива креира содржини за различни медиуми и применува маркетинг на содржина со фокус
на социјалните медиуми.
Способност за проценка:
  • Покажува способност за набљудување на маркетинг-процесите и идентификување на релевантните
информации, неопходни за управување со овие процеси.
  • Покажува способност за набљудување на однесувањето на потрошувачите и факторите кои што влијаат
врз него.
  • Покажува способност за набљудување на маркетинг-процесите кои се специфични кај услугите и за
идентификување на релевантните информации, неопходни за управување со овие процеси.
  • Покажува способност за анализа на маркетинг-комуникациските активности, за креирање маркетинг-
комуникациска порака и за испраќање на пораката прилагодена на одделните инструменти и медиуми.
  • Покажува способност за анализа на одделните маркетинг-стратегии и за интерпретација на резултатите
од применетите маркетинг-стратегии.
  • Покажува способност за развивање на план за комуникација со целните групи јавност, за користење на
податоци за купувачите заради селектирање на купувачите, креирање директна-комуникациска порака и
примена на е-маил маркетинг-кампања
  • Покажува способност за идентификување и прибирање релевантни примарни и секундарни податоци,
неопходни за истражување на маркетинг-појавите и процесите.
  • Демонстрира способност за идентификување на релевантни податоци и методи и алатки за анализа на
податоците кои може да се обезбедат преку социјалните медиуми.
  • Демонстрира способност за имплементирање на стратегиите за позиционирање во одделните фази од
животниот циклус на производот.
  • Покажува способност за анализа и примена на глобалните маркетинг-стратегии.Демонстрира способност за анализа и проценка на стратегиите и тактиките во врска со цените како
инструмент на маркетингот.
  • Демонстрира способност за анализа и имплентација на маркетинг-активностите преку социјални медиуми
и за креирање соодветна маркетинг-содржина наменета за офлајн и онлајн медиумите за комуникација.
 Комуникациски вештини:
  • Поседува способности за професионална дискусија во насока на аргументирање на предностите
и слабостите на одделните маркетинг-стратегии и интерпретирање на очекуваните резултати од
предложената маркетинг-стратегија.
  • Покажува способност за успешна презентација на добиените резултати од спроведените истражувачки
проекти.
  • Поседува способности за презентирање и интерпретирање на резултатите од анализата на податоците од
социјалните медиуми пред носителите на маркетинг-одлуки.
  • Демонстрира способност за презентирање на одлуките во врска со стратегиите и тактиките на цени,
производ и дистрибуција како инструменти на маркетинг-миксот.
  • Поседува способности за презентирање на одлуките во врска со изборот и примената на соодветни
маркетинг-комуникациски инструменти, соодветни медиуми за комуникација, како и одлуки во врска со
пораката.
  • Поседува способности за презентирање на одлуките во врска комуникацијата со одделните групи јавност,
во врска со директната комуникациска порака и маркетинг-активностите преку е-маил врз основа на
систематизирани податоци за купувачите.
  • Демонстрира способност за презентирање на одлуките во врска со маркетингот преку социјални медиуми
и маркетингот преку содржина за различни медиуми.
Вештини за учење:
  • Ги препознава сопствените интереси во областа на маркетингот воопшто и на маркетинг на услуги, како во
областа на однесувањето на потрошувачите и успешно се стекнува со нови знаење и вештини.
  • Демонстрира способност за критичка оцена на планираните маркетинг-активности, маркетинг-стратегии
и очекуваните и планираните маркетинг-резултати и нуди оригинални решенија и предлози во врска со
маркетинг-стратегијата и тактиката.
  • Демонстрира способност за критичка оцена на презентираните идеи и методи, нуди оригинални решенија
и успешно се справува со секоја поставена задача.
  • Демонстрира способност за критичка оцена на маркетинг-активностите во врска со производот, цената,
дистрибуцијата и маркетинг-комуникациите како инструменти на маркетингот, нуди оригинални решенија и
успешно се справува со секоја поставена задача во врска со маркетинг-миксот.
  • Демонстрира способност за критичка оцена на комуникациите со одделните групи јавност, како и за
маркетинг–активностите врз основа на податоците за купувачите, нуди оригинални решенија и успешно се
справува со секоја поставена задача во различни теми од областа на комуникациите.
  • Демонстрира способност за критичка оцена на одлуките во врска со маркетингот преку социјални медиуми
како интегрален дел на дигиталниот маркетинг.• Демонстрира способност за критичка оцена на креативните решенија за различни медиуми и на
активностите во врска со маркетингот на содржина.
Квалификација која се стекнува: Дипломиран економист на департманот Маркетинг.