Целта на оваа студиска програма е да овозможи создавање на специјализиран кадар кој ќе ги познава и имплементира современите принципи на управување со компаниите, процесите, човечките ресурси и останатите компоненти на деловните системи и ќе биде во состојба да одговори на барањата на раководните и управувачки позиции на различни нивоа во компаниите. Со најновите промени, програмата по Менаџмент и претприемништво настојува да одговори на нараснатата социо-економска потреба од подигнување на претприемничкиот, иновативниот и проактивниот дух кај младите луѓе, кои со поголема храброст би се впуштиле во деловни потфати, процес кој го отсликува целокупниот деловен амбиент во Европа и светот во денешно време.

Компетенциите со кои треба да располага студентот кој дипломирал на департманот Менаџмент и претприемништво се сумирани во следново:

• Да поседува знаење и разбирање од специфични области на функционирањето на претпријатијата, како што се: производниот менаџмент; деловната етика, планирањето, управувањето со човечките ресурси, управувањето со финансиските средства; управувањето со малите претпријатија и стратегиските аспекти и многу други, во контекст на домашниот и меѓународниот менаџмент.
• Ја применува методологијата и методите за подготовка и изработката на стратегиските, бизнис и тековните планови во претпријатието;

• Умее да ги идентификува потенцијалните можност за бизнис и да ја процени нивната исплатливост;

• Знае да го одреди местото на луѓето во организационата структура, да ја разбере и да ја стимулира мотивацијата во работата, а се со цел да прерасне во вистински лидер на поединците и групите во организацијата;
• Способен е да ги идентификува информационите потреби и да управува со информациите и знаењето во организациите, со цел унапредување на ефикасноста и ефективноста во работењето и создавање на конкурентски предности;
• Да дизајнира соодветна организациска структура и да ги идентификува потребите за обука и развој на вработените, со предлози на решенија за конретни организациски проблеми.
• Умее да ги анализира и оценува влијанијата на различните економски, социјални, правни и глобални фактори врз водењето на бизнисот.
• Способен е да ги презентира своите идеи, работни постапки и резултатите од својата работа;
• Ги владее говорничките вештини со цел да биде вешт и пријатен говорник и соговорник;
• Поседува знаења неопходни за анализа на исплатливоста на проектите, планирање и раководење со проекти, како и управување со проектни тимови;
• Способност за дискусија на широк опсег теми од областа на менаџментот, како и за анализа конкретни студии на случај од бизнис – практиката.